AzFreelance platforması xidmət göstərmək üçün aşağıdakı şəxsi və texniki dataları toplayır:

• Qeydiyyat Məlumatları: Ad, Soyad, E-poçt ünvanı, WhatsApp nömrəsi, Şifrə (Kriptoqrafik olaraq qorunan Hash formasında saxlanılır).
• Profil və İş Məlumatları: Peşəkar təcrübə, portfoliolar, bacarıqlar, reytinqlər və müştəri/frilanser arasında baş tutan yazışmalar.
• Avtomatik Toplanılan Datalar: IP ünvanı, istifadə etdiyiniz cihazın modeli, əməliyyat sistemi, brauzer növü, istifadəçi axını (user flow), platformaya daxil olma saatları və naviqasiya məlumatları.

AzFreelance istifadəçi datalarını kommersiya məqsədləri ilə kənar şirkətlərə SATMIR.

Ancaq məlumatlarınız aşağıdakı xüsusi hallarda və qanuni çərçivədə paylaşıla bilər:

• Hüquq-Mühafizə Orqanları: Rəsmi məhkəmə qərarı, rəsmi dövlət sorğusu və ya kiber-cinayətkarlıqla (dələduzluqla) bağlı istintaq gərəyi data tələb olunduqda, platforma şərtsiz olaraq dataları təhvil vermək hüququnu və öhdəliyini özündə saxlayır.
• Xidmət Provayderləri: Platformanın işləməsini təmin edən qlobal hostinq, bulud (cloud) sistemləri, e-poçt və SMS provayderləri ilə tranzit formada (şifrələnmiş) data mübadiləsi aparıla bilər.

5.1. Hüquqlar (GDPR Bənzəri Format): Siz istənilən vaxt şəxsi məlumatlarınıza baxa, onları redaktə edə bilərsiniz.

5.2. Məlumatın Tam Silinməsi: İstənilən vaxt Tənzimləmələr → Təhlükəli Zona (Danger Zone) menyusundan istifadə edərək hesabınızı birdəfəlik silə bilərsiniz. Bu halda adınız, e-poçtunuz və nömrəniz məlumat bazamızdan silinəcək.

5.3. İstisnalar (Qalıcı Datalar): Fırıldaqçılığın və hesabat xətalarının qarşısını almaq məqsədi ilə aşağıdakı məlumatlar hətta hesab silinsə də sistemdə xüsusi arxivlərdə saxlanıla bilər:

• Audit və Maliyyə Tranzaksiyaları (Boost və s. üçün xərclənmiş və ya ləğv edilmiş).
• Əgər istifadəçi "Ban" edilibsə (qara siyahıya düşübsə), həmin istifadəçinin platformaya yenidən daxil olmasının qarşısını almaq üçün IP və Hash formatında E-poçt arxivi.

6.1. Üçüncü Tərəf Xidmət Provayderləri: AzFreelance platforması texniki xidmətlərini etibarlı qlobal xidmət provayderləri vasitəsilə göstərir. Platformadan istifadə etməklə siz məlumatlarınızın həmin provayderlərin serverlərində — o cümlədən Azərbaycan xaricindəki (ABŞ, Böyük Britaniya və digər ölkələrdəki) — saxlanılmasına razılıq verirsiniz. İstifadə olunan xidmət kateqoriyaları:

• Veb Hostinq və Bulud İnfrastrukturu: Platformanın işləməsini təmin edən server, CDN və verilənlər bazarı xidmətləri (ABŞ serverləri);
• Media Saxlama Xidməti: İstifadəçi tərəfindən yüklənmiş şəkil və fayların saxlanılması;
• Real-vaxt Kommunikasiya Xidməti: Platforma daxili mesajlaşma və bildiriş infrastrukturu;
• Süni İntellekt Moderasiya Xidməti: Mətn və şəkillərin avtomatik yoxlanılması üçün AI analiz sistemi;
• Ödəniş Emalı (Veb): Azərbaycan Mərkəzi Bankı tərəfindən lisenziyalanmış yerli ödəniş infrastrukturu;
• Mobil Ödəniş (Android): Google-un rəsmi tətbiq mağazası ödəniş infrastrukturu;
• Mobil Ödəniş (iOS): Apple-ın rəsmi tətbiq mağazası ödəniş infrastrukturu;
• Autentifikasiya Xidməti: Hesaba daxil olma üçün OAuth provayderləri.

6.2. Minimum Data Prinsipi: AzFreelance yalnız xidmətin göstərilməsi üçün texniki olaraq zəruri olan minimum datanı bu provayderlərlə paylaşır. Hər bir proveyder öz məxfilik siyasəti çərçivəsində fəaliyyət göstərir. Provayderlərin infrastrukturundakı texniki nasazlıq və ya məlumat itkisi halında AzFreelance məsuliyyət daşımır.

8.1. Yaş Məhdudiyyəti: AzFreelance platforması 18 yaşından kiçik şəxslərə yönəlməmişdir və şüurlu şəkildə onlardan heç bir şəxsi məlumat toplamır. Əgər valideyni/qəyyumu olduğunuz azyaşlının platformaya qeydiyyatdan keçdiyini bilsəniz, dərhal [email protected] ünvanına məlumat verin.

8.2. Aşkarlama Halında: Belə bir vəziyyətdən xəbərdar olduqda həmin istifadəçinin bütün məlumatları — qanuni müddəti bitmiş audit arxivləri istisna olmaqla — dərhal silinəcəkdir.